Dita Botërore e Mjedisit/ Ekspertët: Rajoni i Mesdheut është një nga zonat më të rrezikuara në botë

Në Ditën Botërore të Mjedisit, e cila festohet çdo vit më 5 qershor dhe e cila në këtë 2021 i kushtohet “Rivendosjes së ekosistemeve”, Grammenos Mastrojeni, Zëvendës Sekretari i Përgjithshëm për Veprimi i Energjisë dhe Klimës i Bashkimit për Mesdheun, diplomat me të kaluar si koordinator për eko-qëndrueshmërinë në Bashkëpunimin për Zhvillim theksoi se rajoni i Mesdheut është një nga zonat më të rrezikuara në botë për shkak të efekteve të ndryshimit të klimës.

Pse? Sepse “Në një nivel atmosferik, zona e Mesdheut ngroh 20% më shpejt se mesatarja globale (tashmë ka arritur +1,5 ° C krahasuar me nivelet para-industriale) dhe ujërat e saj po ngrohen edhe më shumë. E gjithë kjo do të çojë në një mungesë burimesh, me 250 milion njerëz në mungesë të ujit brenda dy dekadave, dhe një rritje të shpejtë të nivelit të detit kryesisht për shkak të zgjerimit termik të ujit.

Problemi nuk është vetëm rritja e një metri ose më shumë nga fundi i shekullit, ose uji që mbulon tokat: lartësia 20-25 cm e pritur brenda dhjetë vjetësh do të përcaktojë pykën e kripur, depërtimin e ujit të kripur në tokat bregdetare, të cilat kështu do të bëhen sterile për bujqësinë. Një fenomen që do të ketë ndikimin më të madh në zona të tilla si Delta e Nilit, ku kripëzimi mund të prishë bujqësinë ekzistuese të miliona njerëzve ». (Focus)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.