“Dita e Lirisë” në Britani / Johnson: Do të hiqen të gjitha masat më 19 Korrik sipas planeve
Britania pritet të heqë kufizimet e mbetura të pandemisë më 19 Korrik, sipas kryeministrit Boris Johnson, që dha deklaratën më të guximshme deri më tani për të ashtuquajturën “Ditën e Lirisë”, që do të ndodh sipas planeve. Johnson, qeveria e të cilit ndodhet mes kritikave pas dorëheqjes së ministrit të Shëndetësisë Matt Hancock, për thyerjen e kufizimeve, shpresonte të hapte ekonominë britanike në javën e kaluar. Megjithatë, rritja e rasteve, kryesisht nga varianti më i transmetueshëm delta, bëri që qeveria të vonojë datën më 19 Korrik.
Zëvendësimi i Hancock, Sajid Javid, tha në nisje të Javës se kërkon që masat të hiqen sa më shpejtë të jetë e mundur. Hancock u detyrua të japë dorëheqjen pasi e përditshme the Sun publikoi foto të tij duke puthur një sekretare në zyrën e tij, në një kohë kur ishte kundër rregullave për njerëzit që të kishin kontakt intim me një person jashtë shtëpive të tyre. Johnson tha fillimisht se e ka konsideruar çështjen e mbyllur pasi Hancock kërkoi falje publikisht, dhe më pas lajmëroi se i vjen keq që do të marrë letrën e dorëheqjes.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.