Djegie zorrësh? – Kjo tregon se truri juaj po mbron veten!

Një kërkim italian i botuar në Science përshkruan një mekanizëm të rëndësishëm biologjik që lidh shëndetin e zorrëve tona me atë të trurit. Ky mekanizëm aktivizohet në prani të disa sëmundjeve të zorrëve, për të parandaluar përhapjen e inflamacionit në sistemin nervor qendror.

E keqja është se i njëjti fenomen duket se është përgjegjës edhe për manifestime të tilla si depresioni dhe ankthi, të cilat shpesh shoqërohen me sëmundje kronike inflamatore të zorrëve.

Studimi, i koordinuar nga Maria Rescigno, drejtuese e Laboratorit të Imunologjisë Mukozale dhe Mikrobiotike në Humanitas (Milan), u fokusua në pleksusin koroid, një strukturë e trurit që ndihmon në filtrimin e substancave që përmbahen në gjak, duke parandaluar ato të dëmshme të arrijnë sistemin nervor.

Studiuesit kanë dokumentuar se, në prani të molekulave inflamatore, filtri shtrëngon rrjetat për të mbrojtur trurin. Këto molekula, zakonisht mungojnë, depërtojnë në enët kur sëmundje të tilla si sëmundja e Chron-it ose koliti ulceroz e bëjnë më të depërtueshme pengesën që ndan zorrët nga sistemi i qarkullimit të gjakut.

Studimi gjithashtu konfirmoi se komunikimi i saktë midis zorrëve dhe trurit është delikat dhe i rëndësishëm për mirëqenien tonë. Eksperimentet në modelet e kafshëve në fakt kanë treguar se, ndërkohë që mbron sistemin nervor, mbyllja e “portës” që lidh trurin dhe zorrët shkakton sjellje ankthi dhe probleme me kujtesën. FOCUS

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.