“Do mbështesim financiarisht infermierët” – Premtimi i Manastirliut në Ditën Ndërkombëtare: Përmirësim edhe kushteve të punës
Përmirësim të kushteve të punës dhe mbështetje financiare. Ky është premtimi që ministrja e Shëndetësisë dhe Mbrojtjes Sociale iu ka bërë infermierëve në Ditën Ndërkombëtare të këtyre profesionistëve të shëndetësisë. Manastirliu takoi nga afër infermierët e Qendrës Spitalore Universitare “Nënë Tereza”, duke i falënderuar për angazhimin e tyre në përballimin e situatës së krijuara nga COVID-19.
Ndërkaq, edhe presidentja e Urdhrit të Infermierit, Blerina Duka ka shprehur mirënjohjen për punën bashkëshoqëruese gjatë pandemisë COVID-19.
Urdhri i Infermierit të Shqipërisë ka ndërmarrë një sërë iniciativash për të ngritur lart zërin e infermierit dhe për të fuqizuar ku kërkesat e shoqërisë për profesion janë gjithnjë në rritje, ku shërbimet specifike në kujdesit në shërbim të komunitetit duhen të kryhen me kompetence dhe profesionalizëm nga infermierët. Prandaj sot, për punën fisnike, humane që kryeni ku fjala juaj e kujdesshme luan një rol të rëndësishëm në procesin e kurimit të pacientit, dëshiroj t’ ju falenderoj dhe të jeni krenarë për këtë profesion.
Dita Ndërkombëtare e Infermierëve shënohet në 12 Maj, ndërkohë që tema nga Organizata Ndërkombëtare e Infermiereve ICN për vitin 2021 është “Zëri që udhëheq – Vizioni i së ardhmes shëndetësore.”
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.