“Do të shkurtojmë 14 mijë vende pune, ndihmat e qeverisë nuk mjaftojnë” – Airbus ‘trondit’ Evropën
Airbus do të shkurtojë 14,000 vende pune brenda një viti, duke thënë se e ardhmja e saj është në rrezik pas shpërthimit të koronavirusit që ka paralizuar ‘industrinë e ajrit’.
Airbus po ecën me shpejtësi për të luftuar dëmet e shkaktuara nga një rënie prej 40% (55-miliardë eurosh) në biznesin e avionëve pas pandemisë, duke balancuar masat shtrënguese me ndihmën e ofruar nga qeveritë evropiane.
Grupi më i madh i hapësirës ajrore të Evropës tha se do të shkurtojë 5.000 pozicione në Francë, 5.100 në Gjermani, 900 në Spanjë, 1.700 në Mbretërinë e Bashkuar dhe 1.300 gjetkë deri në mes të vitit 2021, pra një total prej 14,000.
Por kompania do të përballet me bisedime të ashpra me qeveritë, si dhe me sindikatat, të cilat menjëherë u zotuan të luftojnë këto masa. Sindikata e Bashkuar e Britanisë i quajti masat “vandalizëm industrial”. Forca e majtë e Francës, Force Ouvriere dhe të tjerë thanë se do të kundërshtojnë shkurtimet e detyrueshme.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.