“Do testohet çdo individ mbi 10 vjeç, ushtria do të ndihmojë personelin mjekësor” – Masa më e re kundër pandemisë nga Sllovakia
Qeveria e Sllovakisë ka përfshirë ushtrinë në një program tre-javor për të testuar çdo qytetar mbi moshën 10 vjeç për koronavirus.
Testimi masiv do të zhvillohet këtë fundjavë dhe tjetrën me synimin për të arritur 4 milion teste dhe për të izoluar ata që kanë sëmundjen.
Ushtria do të ndihmojë 20,000 personel mjekësor që punon në mijëra vende testimi. Rezultatet do të jepen brenda afërsisht gjysmë ore nga marrja e një mostre.
Njerëzit të cilët rezultojnë pozitivë do të kenë mundësinë e karantinës për 10 ditë në shtëpi ose të vendosen në një strukturë të siguruar nga qeveria. Ata që nuk janë të gatshëm të bëjnë testin e antigjenit do të duhet të vetë-izolohen për 10 ditë ose të përballen me një gjobë prej 1,650 €.
Të gjithë të testuarit do të marrin një certifikatë dhe policia do të kryejë kontrolle në vend për të gjetur këdo që kërkon të shmangë procesin.
Ministrat kanë thënë që spitalet e vendit mund të jenë në prag të kolapsit brenda disa javësh. Numri i infeksioneve është rritur që nga fundi i verës, pasi vendi kaloi valën e parë të sëmundjes në pranverë relativisht i padëmtuar.
Kanë qenë 2.785 raste të reja të infektimit të regjistruara të mërkurën, krahasuar me 231 një muaj më parë.
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.