Dobësi në tregje – Çmimet e naftës vazhdojnë “qëndresën” poshtë $50

Çmimet e naftës u regjistruan në luhatje minimale gjatë orëve të para të sesionit të sotëm, me të dy benchamarkët që vijojnë të qëndrojnë poshtë nivelit të 50 dollarëve për fuçi. Shqetësimet që marrin shtysë nga tensionet më të fundit në lindjen e Mesme kanë nxitur rënien e ndjeshme të çmimeve.

Përplasja mes OPEC dhe Katarit mund të nxisë një përçarje brenda organizatës së vendeve eksportuese duke minuar marrëveshjen e shkurtimit të prodhimit. Në çelje të sesionit të sotëm, nafta Brent e Londrës kuotohej pranë nivelit të 49.53 dollarëve për fuçi, ndërsa ajo bruto amerikane pranë 47.45 dollarëve për fuçi.

Ndërprerja e marrëdhënieve mes disa vendeve arabe me në krye Arabinë Saudite dhe Katarit, përkthehet në pezullimin e çdo marrëdhënie tregtare, përfshirë transportin detar, çka mund të sjellë paqartësi në tregjet e naftës.

SCAN  

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.