Dobësohet konsumi në Britani – Shitjet me pakicë në nivelin më të ulët në 4 vite, prej rritjes së inflacionit

Britania publikoi një rënie të papritur të shitjeve me pakicë për Shtatorin, që është një tregues i konsumit, duke rezultuar në normën më të ulët në katër vite për tremujorin e tretë, ndërkohë që kërkesa e konsumatorit është përkeqësuar.

Banka e Anglisë ka deklaruar se do të rrisë normën bazë të interesit për të parën herë në një dekadë.  Volumi i shitjeve ra me 0.8% në Shtator, raporton zyra Kombëtare e Statistikave, duke ndaluar rritjen e Gushtit.  Për tremujorin e tretë, shitjet treguan normën më të ulët që prej vitit 2013, në 1.5%.  Shanset për rritjen e normave të interesit janë vendosur në 80% nga tregjet,  në takimin e datës 2 Nëntor.

Sipas analistëve, do të zbulohet në muajt që vijnë nëse kjo rënie rezultoi prej përmbajtjes së konsumatorëve përpara blerjeve për Krishtlindje,  apo prej deklaratës së Bankës së Anglisë për rritjen e normave të interesit duke bërë që konsumatorët të limitojnë shpenzimet.  Ekonomistët thonë se rënia e shitjeve në Shtator është nxitur nga rritja e madhe e çmimeve nga shitësit me pakicë.

Inflacioni arriti në 3% për muajin Shtator, ndërsa pagat kanë treguar rritje më të ulët, duke sjellë rënien e treguesit real.  Shitësi online me pakicë ASOS rriti projeksionet, pasi nuk ka rritur çmimet pavarësisht rritjes së kostove për importet.  Paundi ra me publikimin e të dhënave, kundër shportës kryesore të valutave.  Me dollarin amerikan, arriti në 1.3160.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.