Dogana konfiskon makina të lojërave të fatit, në vlerën e 15 mijë eurove
Dogana e Kosovës, në vazhdën e aksionit në luftën kundër informalitetit dhe mbrojtjes së taksës së akcizës, ka ushtruar kontrolle në disa lokale të dyshuara që operojnë me lojëra të fatit pa licencë, në Prishtinë dhe konkretisht në lagjen Dardania.
Aksioni ka nisur mbrëmjen e djeshme dhe ishte i fokusuar në lokalet që janë identifikuar me herët si te dyshuara, dhe që operojnë ilegalisht në fushën e lojërave të fatit.
“Janë kontrolluar 5 lokale të identifikuara dhe dyshuara për veprimtari të pa licencuar të lojërave të fatit, në këtë rast janë konfiskuar mallra si vijon:
Në Lokal 1, pa mbishkrim janë gjetur 2 aparate për lojëra fati dhe 3 shtëpiza për lojëra Keno, Lucky Balls dhe Racing Dogs te pa licencuara;
Në Lokal 2 pa mbishkrim, pas kontrollit janë konstatuar 3 Aparate për lojëra fati të pa licencuara;
Në Lokal 3 pa mbishkrim ka qene i mbyllur mirëpo është vërejtur se kishte persona brenda, ndërkohë hapja e lokalit u bë me ndihmën e Policisë, ku janë gjetur 2 Aparate për lojëra fati dhe 2 shtëpiza për lojëra Keno dhe Racing Dogs;
Në Lokal 4 pa mbishkrim pas kontrollit janë konstatuar 3 aparate për lojëra fati dhe 2 shtëpiza për lojëra Keno dhe Racing Dogs te pa licencuara;
Në Lokal 5 pa mbishkrim pas kontrollit janë hasur 2 shtëpiza për lojëra Racing Dogs dhe Keno te pa licencuara;
Gjithsej janë konfiskuar 10 Aparate të pa licencuara dhe 9 shtëpiza për lojëra Keno, Racing Dogs, Lucky Balls në vlerë të përgjithshme prej 15.200,00. Dogana fton qytetarët që të denoncojnë në numrin e telefonit 0800 50 095 nëse hasin apo shohin keqpërdorime dhe kontrabandim, sepse vetëm së bashku mund të mbrojmë dhe ndërtojmë shtetin tonë”, thuhet në njoftim e Doganës së Kosovës.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.