Doganat shtojnë pikat kufitare për festa- Emigrantët do të kalojnë edhe nga Rips-Ampelonas
Festa e Pashkëve shoqërohet me një fluks të lartë emigrantësh që rikthehen në Shqipëri, duke krijuar radhë të gjata në pikat dogananore në të gjithë vendin.
Me qëllim lehtësimin e lëvizjes nga Greqia në Shqipëria, Drejtoresha e Përgjithshme e Doganave, Belinda Ikonomi ka nxjerrë një urdhër për hapjen e përkohshme të një pike shtesë kufitare në jug të vendit.
Bëhet fjalë për pikën doganore Rips-Ampelonas në qarkun e Sarandës pranë fshatrave Grazhdan dhe Karroq. Pika është hapur që prej datës 3 Prill dhe do të qëndrojë e hapur deri në 5 Prill. Po ashtu pika do të hapet sërish më 10 Prill dhe do të funksionojë deri më 12 Prill.
Në këtë pikë do të lejohet kalimi i udhëtarëve dhe automjeteve me targa greke nga ora 7 e mëngjesit deri në orë 4 pasdite.
Hapja e përkohshme e kësaj pike pritet të lehtësojë disi fluksin në Kakavijë dhe Qafë Botë.
A.H./SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.