Dogecoin, meme që arriti 92 mld USD / Kriptovaluta, e mbështetur nga Musk, është rritur me 26,000% ne 6 muaj

Dogecoin, kriptovaluta e bazuar tek një meme virale e një qeni, shënoi nivelin më të lartë të të gjitha kohërave gjatë fundjavës, duke prekur një vlerë në treg prej 92 miliardë dollarë.  Kriptovaluta preku 0.72 dollarë dhe është rritur me mbi 26,000% në 6 muajt e fundit.  Në të njëjtën periudhë, S&P 500 është rritur me 19%, ndërsa kriptovaluta rivale si Bitcoin dhe Ethereum janë rritur me 286 dhe 698% në mënyrë respektive.   Në vitin 2013, inxhinierët e softëare-it, Billy Markus dhe Jackson Palmer, e krijuan dogecoin si një mënyrë për të tallur bitcoin dhe kriptovaluta të tjera.  Kriptovaluta është bazuar tek një qen i rracës japoneze, shiba inu, me qëllim për të qenë një alternativë qesharake ndaj bitcoin.  Ekzekutivi i Tesla, Elon Musk, ka folur gjatë viteve të fundit për kriptovalutën. Disa postime në Tëitter të Musk, kanë bërë që dogecoin të arrijë në nivele rekord të larta, postime që kanë patur interes nga investitorët e vegjël.  Analistët thonë se kushtet e tregut kanë qenë ndikuar, ndërkohë që pagesat e pandemisë kanë bërë që njerëzit të kenë më shumë para për të shpenzuar dhe aplikacione si Robinhood, e kanë bërë më të lehtë për investitorët e vegjël që të luajnë në bursë, duke e kthyer në një aktivitet për të kaluar kohën gjatë pandemisë.   Ekspertët thonë se dinamika është e ngjashme me tregtinë e çmendur të GameStop më herët gjatë vitit.  Megjithatë, vlera e vërtetë e dogecoin është  e debatueshme, pasi nuk ka shumë raste të përdorimit të monedhës.  Ndryshe nga rivalë si ethereum, që lejon programuesit të ndërtojnë aplikacione mbi platformat e tyre për shërbime si dhënien e huave,  dogecoin nuk ofron shumë gjëra.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.