Dollari, mbizotërues edhe në 2020 / Analistët flasin për një treg të turbullt. Euro do të konkurrojë!
Dollari amerikan, që ka mbizotëruar në tregun e valutave në 2 viteve të fundit, pritet të jetë i fortë edhe për 2020-ën, sipas një sondazhi të Reuters ndaj analistëve të këmbimit valutor.
Ndërkohë që shumë parashikues të normave spot të këmbimit valutor mendojnë se euro do të rritet lehtë deri në fund të vitit, ne lidhje me trendin e përgjithshëm, ata shtojnë se mbizotërimi i dollarit nuk ka gjasa të zbehet.
Kjo do të vijë pjesërisht prej rritjes së tensioneve mes SHBA dhe Iranit, ndërkohë që investitorët po kërkojnë aktive të mbrojtura nga rreziku si jeni japonez. Pavarësisht thirrjeve të vazhdueshme për dobësimin e dollarit në vitin e kaluar, valuta e gjelbër e përfundoi 2019 pa humbur terren ndaj shportës kryesore.
Thuajse 60% e analistëve në sondazhin e muajit Janar të Reuters thanë se dollari do vazhdojë të mbizotërojë tregun për 6 – 12 muaj.
Megjithatë, ndërkohë që projeksionet ekonomike për SHBA tregojnë për një rritje modeste këtë vit, dollari mund të humbasë pak shkëlqim.
Por nuk ka ende një consensus se cila valutë do të konkurrojë me të. 27 nga 62 analistët e anketuar zgjodhën valuta të tregjeve në zhvillim, ndërsa 22 për ato në tregjet e zhvilluara. Euro, që ka potencial për të cënuar fuqizimin e dollarit, ka qenë në kohë të vështira, duke humbur rreth 7% në vitet e fundit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.