Dollari, në muajin e katërt të rritjes – Investitorët nuk pyesin për veprimet e Fed apo kurbën e yieldit
Dollari preku nivelin më të lartë javor ditën e Enjte, ndërkohë që tensionet tregtare mes Kinës dhe Shteteve të Bashkuara kanë bërë që investitorët të gjejnë “strehim” te valuta e gjelbër. Kërkesa për dollarin amerikan nuk po tregon shenja të tërheqjes, pavarësisht se tregjet amerikan presin dy ulje të normës bazë të interesit deri në vitin 2020 dhe kurba e yieldit po përmbyset, çka sinjalizon rrezik të recesionit për ekonominë më të madhe në botë. Sipas analistëve të Commerzbank, fuqizimi i dollarit po surprizon duke marrë parasysh pritshmëritë e tregjeve për 2 ulje të normës bazë të interesit.
Kundrejt shportës rivale, dollari ka qëndruar i palëkundur në 98.22 pikë, ndërkohë që fuqizimi është më i dukshëm kundër rivalëve si euro dhe paundi. Dollari ndodhet drejt muajit të katërt radhazi të rritjes. Politikanët e lartë kinezë bënë të ditur këtë javë se provokimi i luftës tregtare është një “sulm i hapur ekonomik”, duke sulmuar Shtetet e Bashkuara ndërkohë që lufta tregtare nuk po tregon shenja të zbutjes. Spreadi mes yieldit të titujve 3-mujor të Thesarit me ato 10-vjeçar, është përmbysur duke prekur nivelin më të ulët që prej Gushtit 2017.
Një kurbë yieldi e përmbysur shihet si një parashikues recessioni nga tregjet financiar. Në tregje të tjera të këmbimit valutor, dollari ka qenë i fortë edhe ndaj jenit japonez, në 109.59. Analistët thonë se jeni, që është një tjetër aktiv i sigurt që mbështetet nga statusi i Japonisë si kreditori më i madh në botë, qëndron relativisht i dobët për shkak të kërkesës për dollarë nga investitorët e brendshëm.
Klevis Llaha /SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.