Doni të hapni një biznes? – Mjafton një ide dhe plan, financim deri në 500 mijë lekë

Të rinjtë nga mosha 18-30 vjeç që kanë dëshirën dhe vizionin për të ndërtuar biznesin e tyre mund të aplikojnë për të përfituar ndihmë dhe financim për finalizimin e idesë së tyre.  Programi i Vetëpunësimit nga UNDP  mbështete këtë kategori,  duke u dhënë prioritet të rinjve nga shtresat në nevojë, individëve që kanë përfunduar arsimin professional dhe atyre që kanë ide inovatore nëpërmjet trajnimit mbi vetëpunësimin, këshillimeve të vazhdueshme gjatë gjithë fazave të programit, dhe mbështetjes financiare (në formën e pajisjeve dhe / ose materialeve).

Programi asiston në transformimin e ideve në biznese të qëndrueshme. Të  rinjtë e interesuar duhet  aplikojnë me një ide të konsoliduar biznesi, pranë zyrës së punës në Tiranë apo përmes faqes së internetit aftësi.info, ndërsa kusht është që të mos kenë aplikuar më pare në këtë program. Por cilat janë hallkat e procesit? Pjesëmarrja në Programin e Vetëpunësimit fillon me një vlerësim të njohurive të përgjithshme të kandidatëve të interesuar të vetëpunësohen.

Ky vlerësimi ndodh gjatë fazës së shpalljes së thirrjes për aplikime, deri më 30 Shtator, 2018. Në varësi të nevojave/ specifikave individuale, kandidatët do të kenë mundësinë të ndjekin sesione trajnimi. Idetë që rezultojnë të suksesshme përfitojnë mbështetje financiare deri në 500 mijë lekë.

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.