Donika Mici: ”Femrat kanë nevojë të jenë të pavarura”
Të enjten në mbrëmje, në ‘Argument’ ishte e ftuar sipërmarrësja Donika Mici. Si një sipërmarrëse prej shumë vitesh në tregun shqiptar ajo diskutoi më tepër rreth rolit të femrës në botën e biznesit. Sipas saj një femër është shumë e lirë sot për të bërë biznes, nëse ka ide. ”Femrat kanë nevojë të jenë të pavarura dhe kur fillojnë të krijojnë diçka e bëjnë me shumë dashuri duke bërë të mundur që biznesi të jetë shumë i suksesshëm. Edhe pse femrat mund të jenë në gjendje të mire ekonomike ato sërish kanë nevojë të krijojnë emrin e tyre, që mos njihen më nga bashkëshorti apo prindërit” shprehet ajo.
I pyetur nga gazetari Enio Civici, nëse koha është e mjaftueshme për t’u marrë dhe me biznes edhe me familjen, znj.Mici shprehet se ”absolutisht koha del për gjithçka sepse më parë humbisnim kohë me gjëra të vogla, pasi nuk i kishim lehtësirat e sotme. Sot është shumë më e thjeshtë të organizosh kohën’’ thekson ajo.
E.Z/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.