Dorëheqja e Thaçit si Presidenti i Kosovës – Vjosa Osmani emërohet përkohësisht si zëvendësuesja e tij

Kryetarja e Kuvendit të Kosovës zyrtarisht ka marrë funksionin e ushtrueses së detyrës të presidentes së Kosovës.

Lajmi është bërë i ditur nga zyra e Kryetares së Kuvendit. Përmes njoftimit, thuhet se në përputhje me obligimet kushtetuese, pas dorëheqjes së presidentit të vendit Hashim Thaçit, kryetarja e Kuvendit të Kosovës, Vjosa Osmani, sot ka marrë zyrtarisht funksionin u.d. e presidentes së Kosovës.

“Ceremonia e pranim-dorëzimit është bërë në prezencën e stafit të Presidencës dhe kryetares së Kuvendit të Kosovës. U.d. e presidentes do t’u drejtohet sot qytetarëve me një adresim në orën 17:00”, thuhet në njoftim.

D.B – SCAN
Burimi: Zëri.info

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.