Dorëhiqet ‘Monsieur Pensioni’, por Franca mbetet në kaos

Një tjetër goditje e fortë për qeverinë e një France të paralizuar tashmë për 12 ditësh nga greva e transportit kundër reformës së pensioneve. Rrjedhojë e kësaj është dorëheqja, pas ditësh polemikash, e arkitektit të projektit të kërkuar nga Emmanuel Macron, i ashtuquajturi “Monsieur Pensioni” Jean- Paul Delevoye.

Edhe një herë, siç ndodhi edhe më parë me Sylvie Goulard e propozuara e Macron përpara Komisionit Europian, projektorët e vëmendjes veçuan zona hijesh dhe sigurisht i zgjedhuri duhej të hiqte dorë.

Njeriu i besuar Macron, i cili e kishte emëruar atë dy vjet më parë për të hartuar reformën e pensioneve, foli për “sulme të dhunshme” dhe “gënjeshtra” kundër tij por me qëllimin e vërtetë  për të “goditur një projekt thelbësor për Francën. ”

Elysée e mori goditjen dhe menjëherë njoftoi se “së shpejti” Delevoye do të zëvendësohet. Krijuesi i reformës pranoi se kishte “harruar” të deklaronte pozicionin e tij si administrator (pa pagesë) në një kompani sigurimesh. Por në vazhdën e këtij zbulimi, ai përfundoi në qendër të vëmendjes dhe u detyrua të pranojë se kishte 13 “harresa”, megjithëse kryesisht jofitimprurëse. Për më tepër, ai mbajti rolin qeveritar pavarësisht se ishte president i një qendre studimi për arsimin, një situatë e turpshme deri në atë pikë sa personi i interesuar u angazhua menjëherë për të kthyer atë që kishte marrë nga detyra të paautorizuara. (ansa)

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.