“Dorian” i drejtohet SHBA : Uragani do të godasë Floridan të Hënën, Trump flet për një stuhi monstër!

Uragani Dorian do të godasë edhe brigjet amerikane. Pritet që stuhia të godasë Floridan dhe brigjet lindore të Shteteve të bashkuara të Amerikës ditën e hënë më 2 shtator. Presidenti amerikan, Donald Trump paralajmëroi se erërat e stuhisë Dorian do të jenë të pabesueshme.

“Mesa duket tani, mund të jetë një monstër absolut”-deklaroi Donald Trump në një video të postuar në rrjetin social Twitter.

Numri një i Shtëpisë së Bardhë shtoi gjithashtu se, në Florida autoritetet kanë dërguar ushqime dhe ujë për banorët, në mënyrë që t`i bëjnë ballë situatës. Situata e emergjencës e shpallur nga guvernatori i Florida-s ka bërë që Donald Trump të anulojë një vizitë të parashikuar për në Poloni. Uragani Dorian është i pari në këtë sezon të ri stuhish dhe pasi goditi zonën e Karaibeve me një sërë ishujsh të banuar nën pushtetin e erërave të fuqishme, tashmë kërcënon të godasë fuqishëm edhe Shtetet e Bashkuara të Amerikës.

Roel Korkuti/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.