Dorian “rrafshon” ishujt Bahamas – Qëndron stuhi e kategorisë 5. Kërcënon Floridan
Uragani Dorian, që është stuhia e dytë më e madhe në Atlantik, goditi ishujt Bahamas dhe parashikohet t’i afrohet Floridas në dy ditët e ardhshme, sipas sinoptikanëve në SHBA. Në një video në Twitter, një shef i organizatës “World Central Kitchen”, Jose Andres, shfaqi filmime në mes të një stuhie në Nassau, rreth 60 kilometra larg ishujve Abaco.
“Jemi 128 kilometra larg qendrës së uraganit Dorian. Përfytyroni se çfarë do përjetojnë njerëzit në ishujt Bahamas”, shkroi ai, duke shtuar se Florida duhet të përgatitet për erëra të forta. Uragani ishte rreth 220 km larg bregut të Floridas, ku kanë nisur evakuimet. Guvernatori i Karolinës së Jugut, Henry McMaster, lëshoi urdhrin e evakuimeve të detyrueshme për 8 vende bregdetare ditën e Hënë.
Dorian pritet të përkufizohet si uragan për 5 ditët e ardhshme, sipas Qendrës Kombëtare të Uraganëve. Dorian goditi ishujt Abaco me një shpejtësi të qëndrueshme prej 295 kilometra për orë dhe shpërthime në mbi 354 kilometra për orë. Dorian është Uragani i dytë i regjistruar që godet ishujt Bahamas si një stuhi e kategorisë 5, sipas shkallës Saffir-Simpson.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.