Dosjet e nxehta të Prokurorisë – Deputetët kërkojnë dënime për prokurorët që nxjerrin informacione në media
Shqyrtimi i projektrezolutës për aktivitetin e Prokurorisë së Përgjithshme për vitin 2018 ka ngjallur diskutime të forta lidhur me rrjedhjen në media të informacioneve mbi dosje të rëndësishme nën hetim nga organi i akuzës.
Deputetët kërkuan një manual të marrëdhënieve me publikun të Prokurorisë, si dhe ashpërsim të masave ndëshkimore ndaj prokurorëve apo policëve gjyqësorë që nxjerrin sekrete shtetërore apo hetimore nga dosjet në proces.
Për deputetin Spartak Braho, nxjerrja e informacioneve në mënyrë të jashtëligjshme cenon jo vetëm suksesin e hetimeve, por edhe jetën e dëshmitarëve apo të penduarve të përfshirë në proces.
Si relatore e projektrezolutës, Nënkryetare e Kuvendit Vasilika Hysi nxori në pah rënien e hetimeve ndaj pasurive të siguruara përmes krimit e korrupsionit.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.