Doza e tretë e vaksinës, interes i lartë – Mjeku: Fillimisht po vaksinojmë më të moshuarit dhe të sëmurët kronikë, pak interes për fëmijët

Qytetarët e moshave mbi 60 vjeç kanë shprehur interes të lartë për dozën e tretë të vaksinës për COVID-19, ndërkohë që fillimisht po i jepet prioritet personave më të moshuar dhe atyre me sëmundje kronike”.

Mjeku i familjes, pranë Qendrës Shëndetësore Nr.6, Besar Hysi thotë se qytetarët e interesuar mund të kryejnë të njëjtën vaksinën që kanë kryer herën e parë ose mund ta kombinojnë atë.

Ndryshe paraqitet situata për grupmoshat për fëmijët mbi 16 vjeç si dhe ata 12-15 vjeç me sëmundje kronike. Sipas Hysit, interesi për t’u vaksinuar nga këto kategori ka qenë i ulët, për shkak të skepticimit që prindërit kanë ndaj vaksinës.

Vaksinimi i këtyre kategorive nisi në datën 1 nëntor, ndërkohë që për të marrë dozën e tretë është e domosdoshme që të kenë kaluar 6 muaj nga aplikimi i dozës së dytë. Ndërkaq, mjeku iu bën apel të gjithë qytetarëve që t’i drejtohen qendrave të vaksinimit, pasi vetëm në këtë formë mund të shmangi format e rënda të infeksionit.

Ola Mitre / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.