Doza e tretë, plus vaksinën e pneumonisë – Pfizer thotë se 2 produktet e veta të marra së bashku, ofrojnë mbrojtje dhe siguri

Pfizer deklaroi se dozat nxitëse të vaksinës së Covid-19 mund të administrohen së bashku me vaksinën e pneumonisë së firmës, ç’ka nxiti siguri dhe reagim të fortë imunitar tek njerëzit në moshë 65-vjeç e sipër,  në studimet në fazën e fundit. Studimi, i nisur në muajin Maj, testoi vaksinën e konjuguar të pneumokokut të gjeneratës së ardhshme, PREVNAR 20, me një dozë të tretë të vaksinës së Covid-19, tek 570 pjesëmarrës.

Synimi i studimit ishte të testohej siguria e kombinimit, si dhe reagimi imunitar, pasi shtohet vaksina e pneumonisë tek vaksinat ekzistuese të Covid.  Kompania theksoi se reagimi i nxitur nga PREVNAR 20 dhe një dozë e tretë nxitëse e vaksinës me BioNTech, ishin të ngjashme nëse jepen të dyja së bashku, apo me placebo.

Të dhënat ofrojnë prova që mbështesin potencialin e administrimit të PREVNAR 20 dhe vaksinës së Covid në të njejtën kohë, duke reduktuar numrin e vizitave që njerëzit bëjnë tek mjekët apo farmacitë, për imunizimin e rekomanduar, sipas Pfizer.  PREVNAR 20 është miratuar nga Administrata e Barnave dhe Ushqimeve në SHBA në Qershor të vitit të kaluar për të mbrojtur të rriturit kundër sëmundjeve më të egra të pneumokokut dhe pneumonisë.

Pjesëmarrës në studim u rekrutuan nga studimi i fazës së fundit të vaksinës së Covid-19 të kompanisë, dhe ata që kishin marrë dozën e dytë të Pfizer të paktën 6 muaj përpara se të futeshin në studimin e bashkë-administrimit të dozë së tretë me vaksinën e pneumonisë.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.