Dozat e treta nxitëse në SHBA/ NYT: Autoritetet konsiderojnë administrimin e tyre që në Shtator
Administrata e Biden planifikon të nisë injektimin e dozave nxitëse të Covid-19 tek amerikanët që në mes të Shtatorit, ndërkohë që autorizimi nga Agjencia e Barnave nuk është dhënë akoma. Zyrtarët e shëndetësisë tek administrata e presidentit Joe Biden, kanë mbështetur idenë që shumica e njerëzve të marrin një dozë të tretë nxitëse 8 muaj pasi kanë përfunduar vaksinimin fillestar.
Sipas New York Times, burimi fillestar i këtij zhvillimi, autoritetet planifikojnë të lajmërojnë vendimin e administratës që këtë javë, dhe dozat e para pritet të shkojnë tek banorët e azileve dhe punonjësit e shëndetësor. Javën e kaluar, rregullatorët në SHBA autorizuan një dozë të tretë të vaksinës së Covid-19 nga Pfizer me BioNTech dhe Moderna, për njerëzit me sistem imunitar të kompromentuar, që kanë më pak mbrojtjte nga regjimi me 2 doza.
Objektivi i administratës është që të informojë ata që kanë marrë vaksinën e Pfizer apo të Moderna se do t’i duhet mbrojtjte shtesë kundër variantit Delta të koronavirusit, sipas New York Times. E përditshmja shtoi se zyrtarët presin gjithashtu që marrësit e vaksinës së Johnson & Johnson, që u autorizua si një regjim me 1 dozë, do të kërkojnë gjithashtu një dozë nxitëse.
Klevis Llaha/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.