Dozat nxitëse përballë Omicron – Javid: Presin së shpejti këshilla nëse do duhet të zgjerohet programi
Ministri i Shëndetësisë në Britani, Sajid Javid, tha se pret që të marrë këshilla menjëherë nëse qeveria mund të zgjerojë programin e dozave nxitëse, për të zbutur ndikimin e variantit të identifikuar së fundmi Omicron. Britania lajmëroi masa të reja në fundjavë, në përpjekje për të ngadalësuar përhapjen e variantit, duke ashpërsuar rregullat për të mbërriturit në vend dhe urdhëruar përdorimin e maskave në ambiente publike. Ministrat duan gjithashtu të shtojnë ofrimin e dozave nxitëse, duke thënë se edhe nëse vaksinat janë më pak efektive ndaj Omicron, është ende më mirë se sa mos vaksinimi, për të ulur numirn e njerëzve në spitale dhe vdekjet.
“E dimë që vaksinat funksionojnë. Ky variant mund t’i bëjë më pak efektive ose jo, do ta kuptojmë më vonë. Por vaksinat funksionojnë dhe janë linja e parë e mbrojtjes. Për rrjedhojë i kam kërkuar ekspertëve tanë të vaksinimit që të na japin menjëherë këshilla mbi zgjerimin e dozave nxitëse, u shpreh Ministri i Shëndetësisë në Britani, Sajid Javid.
Zbulimi i Omicron, i njohur si variant i shqetësimit javën e kaluar nga Organizata Botërore e Shëndetësisë, ka shkaktuar shqetësime në botë se mund t’i penetrojë mbrojtjes nga vaksina dhe zgjasë pandeminë e Covid-19. Britania ka konfirmaur 2 raste të variantit të ri dhe Javid tha se masat e reja duhen për të fituar kohë, që ekspertët të kuptojnë më shumë mbi virusin.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.