Drejt makinave elektrike – Projekti ambicioz i qeverisë gjermane, që pritet të shndërrojë industrinë lider

Tregu tradicional i automobilave, industria kryesore në Gjermani, po ndryshon duke u transformuar me rritjen e tregut të automjeteve elektrike.

Në vitin 2021, prodhimi i automjeteve elektrike në Gjermani mund të kalojë 1.7 milion njësi, duke shënuar një hap të konsiderueshëm në epokën e automjeteve elektrike për këtë “mbretëri të automjeteve tradicionale”.

Qeveria gjermane ka rritur mbështetjen për lëvizjen elektrike në drejtim të politikave. Kancelarja Angela Merkel ka publikuar një video për të inkurajuar njerëzit të mbështesin makinat elektrike dhe premtoi të ndërtonte 1 milion njësi të furnizimit me energji deri në vitin 2030. Për këtë qëllim, Gjermania nisi një program subvencionimi prej 4 miliardë euro për makinat elektrike.

Sipas rregullave, çdo automjet elektrik me bateri mund të marrë deri në rreth 10,000 euro subvencion, gjysma nga qeveria dhe gjysma nga kompania e makinave.

Regjistrimi i automjeteve elektrike me bateri (BEV) u dyfishua në 194,000 në vitin 2020, treguan statistikat e Autoritetit Federal të Transportit të Automjeteve Gjermane.

Ndërsa kompanitë gjermane të makinave janë duke pranuar në mënyrë aktive transformimin industrial, Volkswagen Zwickau-Mosel Plant mbylli linjën e montimit të motorit me djegie në qershor 2020 dhe u shndërrua për të prodhuar vetëm modele elektrike në të ardhmen.

Transformimi pritet të përfundojë në vitin 2021, me një prodhim vjetor prej mbi 300,000 automjete.

Projekti i rinovimit përfshin gjithsej tetë fabrika. Deri në vitin 2030, përqindja e automjeteve elektrike në automjetet e reja të Volkswagen do të arrijë 40 përqind.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.