Drejtësia merr sërish para! Këshilli i Ministrave vendos fond shtesë për institucionet- 18 milionë lekë të tjera në buxhetin e 2019

Institucioneve të sistemit të drejtësisë do t’i shtohet një fond i përgjithshëm prej 18 milionë lekësh në buxhetin e 2019, me vendim të Këshillit të Ministrave.

Fondi do të ndahet në 3 veprimtari; 9 milionë në programin e veprimtarisë së  rivlerësimit kalimtar të magjistratit, 2 milionë në programin e veprimtarisë së apelimit të rivlerësimit kalimtar, 7 milionë në programin e veprimtarisë së Komisionerit Publik.

VKM përcakton se fondi do të përballohet nga fondi rezervë i po këtyre institucioneve. Vendimi do të hyjë menjëherë në fuqi pas botimit në fletoren zyrtare.

Jenida Vladi/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.