Drejtoresha e AIDA-s, Shehaj takim me Ambasadoren sllovene – “Forcim i bashkëpunimit dhe partneritetit mes bizneseve të të dy vendeve”
Drejtoresha Ekzekutive e AIDA-s, Brisida Shehaj zhvilloi një takim me Ambasadoren e Sllovenisë, Lea Stančič. Takimi u zhvillua gjatë ditë së sotme në ambientet e AIDA- ndërkohë që qëllimi i këtij takimi ishte thellimi i bashkëpunimit në drejtim të promovimit të mundësive për investim në Shqipëri. Shehaj dhe Stančič diskutuan gjithashtu edhe për krijimin e një klime të favorshme dhe partneriteti mes bizneseve shqiptare dhe atyre sllovene.
Në një njoftim të fundit të publikuar në faqen zyrtare të AIDA-s thuhet:
“Qëllimi i këtij takimi ishte thellimi i bashkëpunimit në drejtim të promovimit të mundësive për investim në Shqipëri, të krijimit të një klime të favorshme praktike për forcimin e bashkëpunimit dhe partneritetit mes bizneseve shqiptare dhe atyre sllovene, si dhe vendosjen e kontakteve të drejtpërdrejta me organizatat e biznesit”, thuhet në njoftim.
AIDA në zbatim të misionit të saj konfirmoi dhe njëherë ndihmën për sipërmarrjet sllovene në Shqipëri dhe asistencën për te gjitha ato që synojnë tregun shqiptar për të investuar në fushat strategjike si turizëm, energji dhe bujqësi. Të dyja palët shprehën gatishmërinë për organizimin e eventeve promovuese të fokusuara ne sektorët strategjikë me qëllim rritjen e prezencës së investimeve sllovene në Shqipëri.
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.