Drejtori i Doganave, Gazheli pjesë e konferencës botërore: “Bashkëpunim dhe angazhim i shtuar për ngritjen e kapaciteteve”
Drejtori i Përgjithshëm i Doganave Shqiptare, Genti Gazheli, mori pjesë në konferencën vjetore të Drejtorëve të Përgjithshëm të Administratave Doganore të rajonit të Europës brenda Organizatës Botërore të Doganave që u zhvillua online.
Sekretari i Përgjithshëm i OBD-së, Kunio Mikuria, informoi për masat e marra deri më tani në drejtim të veprimit praktik në luftën kundër pandemisë Covid 19 .
Temat e konferencës ishin rishikimi i Marrëveshjes së Bergenit që përcakton përkufizimin e nën-grupeve brenda rajonit Evropian të OBD-së dhe krijimin e procedurave sipas të cilave administratat anëtare (shërbimet doganore) duhet të përfaqësohen në organe të caktuara të OBD-së.
Pjesëmarrësit, ndër të tjera, diskutuan zgjatjen e mandatit të Grupit të Punës për Matjen e Performancës, krijimi i të cilit u mbështet nga Këshilli i ËCO në qershor 2019.
Gjithashtu gjatë kësaj konference u diskutua mbi ngritjen e kapaciteteve rajonale të ËCO-së për Rajonin Evropian, si dhe angazhim i shtuar në bashkëpunimin e shërbimeve të inteligjencës rajonale që veprojnë në këto vende.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.