Drejtuesit e Deutche Bank marrin shpërblime për herë të parë në katër vjet
Anëtarët e bordit drejtues të Deutche Bank kanë marr╒ shpërblimet e tyre të para në katër vjet, sipas një raporti vjetor të bankës botuar ditën e sotme. Bordi drejtues mori një pagë totale, duke përfshirë shpërblime, prej 55.7 milionë eurosh ose (201.38 milionë dollarë), nga 29.8 milionë euro që kishte qenë më parë, njoftoi raporti vjetor i Deutsche Bank.
Rezerva e bonusit të bankës për vitin 2018 ishte rreth 1.9 miliardë euro, një rënie prej 14 për qind nga 2.3 miliardë euro që kishte qenë një vit më parë. Kjo rënie vjen si pasojë e reduktimit të numrit të punonjësve, bëri të ditur banka.
Gjithashtu, kostot e procesit gjyqësor do të jenë më të “larta” në vitin 2019 se sa kanë qenë një vit më parë, njoftoi banka në raport. Deutsche Bank po bisedon me Rivalen e Commerzbank rreth një bashkimi të propozuar, të cilën sindikatat kanë thënë se kjo mund të rezultojë në shkurtime të mëdha të vendeve të punës.
Ada Xhagolli/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.