“Dritat n’Pazar” – Bashkia organizon një mbrëmje kulturore tek Pazari i Ri
Bashkia e Tiranës do të organizojë sot një aktivitet kulturor në Pazarin e Ri.
E quajtur ‘Dritat n’Pazar”, festa që do të nisë në orën 18:00 dhe do të zgjasë deri në ora 22:00 do të mbledhë mbi 50 artistë.
Aktiviteti do të jetë një përzierje eventesh më të vogla si performancë nga këngëtarët e muzikës qytetare dhe jazz. Ndërsa për të rinjtë, grupe të ndryshme do të këndojnë Hip-Hop.
Në këtë aktivitet do të ketë vend edhe për një panair të artizanatit, i cili ka për qëllim të nxisë dhe mbështesë artizanët në vazhdimësinë e kësaj tradite.
Sporti, cirku dhe teatri nuk do të mungojnë në këtë darkë festive të organizuar nga bashkia, një muaj pas inaugurimit të zonës së Pazarit të Ri.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.