“Dritë në fund të tunelit?” – Gjermania shpreson të lirojë karantinën në fund të majit
Shefi i stafit të kancelares gjermane Angela Merkel tha të shtunën se ai ishte “shumë skeptik” në lidhje me mundësinë e njerëzve për të udhëtuar gjatë Pashkëve por priste që situata e koronavirusit në vend të përmirësohej deri në fund të majit.
Helge Braun i tha grupit të gazetës Funke në një intervistë të botuar të Shtunën se ai është “shumë skeptik sa i përket udhëtimeve në Pashkë”. “Pashkët bien në fundjavën e parë në Prill të këtij viti.
Por Funke tha se ai shpreson që “ne mund të flasim në një mënyrë dukshëm më të relaksuar për udhëtimet dhe kohën e lirë më 23 maj”.
Merkel dhe guvernatorët e shtetit këtë javë ranë dakord të zgjasin masat e bllokimit deri më 28 mars, ndërsa hartojnë një hartë për zbutjen e kufizimeve në zonat me nivel më të ulët të infeksioneve.
Braun tha se Gjermania mund të kthehet në normalitetin e plotë gjatë verës nëse prodhuesit e vaksinave mbajnë premtimet e dorëzimit dhe nuk lind asnjë mutacion i ri i koronavirusit “që ngre pikëpyetje mbi të gjithë suksesin e vaksinimit”.
Deri më tani Gjermania i ka dhënë 5.7% të popullsisë së saj një dozë të parë të vaksinës dhe 2.8% një dozë të dytë.
D.B – SCAN
Burimi: Euronews
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.