“Dritë në fund të tunelit për Greqinë” – Eurogrup bie dakord, akordohet kësti prej 8.5 mld euro. Detajohen masat afatmesme

Kreditorët ndërkombëtarë ranë dakord të enjten për të miratuar dhënien e 8.5 miliardë eurove në kredi, ndihmë për Greqinë me qëllim që të detajohen masat afatmesme për lehtësimin e borxheve pas bisedimeve në Luksemburg.

Duke e përshkruar marrëveshjen si “një hap i madh përpara”, Presidenti i Eurogrupit Jeroen Dijsselbloem tha se marrëveshja kishte për qëllim që Greqia të qëndronte “përsëri në këmbët e saj”, duke vënë në dukje se lehtësimi i borxhit do të lidhej me normat e rritjes ekonomike të vendit.

Sa i përket aspektit të lehtësimit të borxhit me anë të marrëveshjes, Lagarde theksoi se nuk ishte zgjidhja më e mirë për Greqinë, pasi ishte vetëm një marrëveshje në parim, por zgjidhja “e dytë më e mirë”.

Komisioneri Evropian për Çështjet Ekonomike dhe Monetar Pierre Moscovici u përpoq të përqendrohet në aspektet pozitive të marrëveshjes.

“Sonte, Greqia mund të shohë dritë në fund të tunelit të saj të gjatë, të kursimit. Nga sonte, parullat janë punë, rritje dhe investime.”, tha Moscovici.

Komentet e tij u përsëritën nga ministri grek i Financave, Euklid Tsakalotos, i cili në një konferencë shtypi të veçantë tha se marrëveshja ofroi qartësi më të madhe për qytetarët dhe investitorët, “më shumë dritë në fund të tunelit”.

Osman Dedja/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.