Drithi më i konsumuar në botë: Cila është e ardhmja e orizit?!

Për të rikuperuar tokën për kultivimin e orizit, janë studiuar edhe varietete më rezistente ndaj përqendrimeve më të larta të kripës në ujë dhe tokë.

Përveçse është drithi më i konsumuar në botë, në Kinë dhe në të gjithë Azinë orizi është ushqimi ‘par excellence’, por si kudo jo të gjitha zonat janë të përshtatshme për kultivimin e tij: veriu i vendit, për shembull, ka një tokë alkalike dhe të kripur, aspak të përshtatshme për arat e orizit. Në kontenë Jinghai, megjithatë, në pjesën verilindore të Kinës, kultura prej 100 hektarësh me oriz u korr vjeshtën e kaluar. Merita e shkencës: Studiuesit kinezë në fakt kanë krijuar një shumëllojshmëri orizi të kultivueshëm në tokë të thatë dhe të kripur, të marrë nëpërmjet mbishprehjes (d.m.th. shumëzimit) të një gjeni rezistent ndaj kripës, i pranishëm në një varietet të egër të bimës.

Ndryshimet klimatike, rritja e kërkesës për oriz dhe tensionet gjeopolitike e kanë shtyrë Kinën të kërkojë zgjidhje për të prodhuar të gjitha nevojat e saj të brendshme. Nuk është hera e parë që vendi aziatik i drejtohet shkencës për të modifikuar ushqimin (rasti më i fundit është peshku pa kocka), por në këtë rast nuk bëhej fjalë për përmirësimin e shijes apo lehtësimin e konsumimit të tij, por për pakësimin varësia nga importet duke pasur më pak se 10% të tokës pjellore në botë.

Në fakt, Kina prej disa vitesh po studion një mënyrë për të reduktuar konsumin e ujit të destinuar për kulturat bujqësore duke zhvilluar një lloj orizi rezistent ndaj kripës, por vetëm kohët e fundit janë parë rezultatet e para falë punës së ekipit të Yuan Longping. 2016 filloi testimin e kokrrave të para të orizit rezistente ndaj kripës. Në vitin 2017, u themelua një qendër kërkimore në Qingdao (provinca Shandong), e cila synon të prodhojë 30 milionë ton oriz në 6.7 hektarë tokë të thatë: një hap drejt një sigurie më të madhe ushqimore, deklaroi Longping në një dokumentar të vitit 2020.

Kina nuk është i vetmi vend që po punon për zhvillimin e orizit që është më i lehtë për t’u kultivuar dhe përdor më pak ujë (2,500 litra ujë të freskët përdoren për të prodhuar një kilogram oriz): India ka krijuar gjithashtu një shumëllojshmëri orizi që mund t’i rezistojë kripës i barabartë me një të tretën ose më shumë se ai i ujit të detit (i cili qëndron në 3,5%) – një rezultat edhe më i mirë se ai i orizit Longping, i cili mund të rritet në tokë me kripësi maksimale të barabartë me 0,6%. FCS

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.