DRSHTRR Durrës: Në 2017 u regjistruan 8 mijë automjete të reja

8 mijë automjete të reja janë regjistruar gjatë vitit 2017 nga Drejtoria Rajonale e Shërbimeve të Transportit Rrugor Durrës.

Në analizën vjetore të kësaj drejtorie, gjatë vitit të kaluar po ashtu janë kryer ndryshime pronësie në rreth 8500 mjete, janë ndryshuar 2162 targa si dhe janë lëshuar rreth 19 mijë certifikata pronësie të mjeteve.

Sipas DRSHTRR Durrës, viti 2017 ka shënuar një ngritje të treguesve ekonomikë, në krahasim me vitin 2016.

Drejtori i Përgjithshëm i DRSHTRR, Arben Isaraj tha se primare është se cilësia e shërbimit ndaj qytetarëve me qëllim reduktimin e kohës së dhënies së shërbimeve.

Ndërkohë, në analizën vjetore të Drejtorisë së Targave dhe Shtypshkrimeve, të zhvilluar në po të njëjtën ditë, rezulton se gjatë vitit 2017, nga muaji mars kohë kur është vënë në funksion modeli i ri i leje të drejtimit, DTSH ka personalizuar rreth 120 mijë leje drejtimi për të gjithë vendin.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.