“Duam të jemi të lirë”: Mijëra protestues në Bjellorusi kërkojnë ‘zgjedhje të ndershme’
Mijëra njerëz protestuan në kryeqytetin e Bjellorusisë, Minsk të enjten në mbrëmje përpara zgjedhjeve që mund të përcaktojnë tashmë ‘vdekjen’ e burrit të quajtur “diktatori i fundit i Europës”.
I ashtuquajturi burri i fortë, Alexander Lukashenko po përballet me sfidën e tij të parë serioze në 26 vjet në zgjedhjet e ardhshme më 9 gusht, që janë shënuar nga një sulm ndaj kandidatëve të opozitës.
Rreth 5,000 protestues dolën në rrugë duke tundur shirita të bardhë në ajër, sipas një gazetari të Euronews. “Unë mendoj se çdo pesë vjet kemi nevojë për një president të ri, kemi nevojë për ide të reja,” tha Anton, 33 vjeç, për Euronews. “Të gjithë këtu janë të interesuar për të njëjtën gjë, ne duam të jemi të lirë”.
Bjellorusët janë kryesisht të pakënaqur me sistemin zgjedhor, situatën e mjerueshme ekonomike, qeverinë autoritare dhe trajtimin e Lukashenko të krizës së Koronavirusit. Por një ndryshim i lidershipit mund të jetë i pamundur pasi vendi ka një histori zgjedhjesh të padrejta, me kandidatët e opozitës të përjashtuar që para votimit.
Viktor Babariko, u arrestua muajin e kaluar dhe u përjashtua nga votimi për shkak të një çështje penale kundër tij. Valery Tsepkalo, një ish ambasador, gjithashtu u refuzua pasi nënshkrimet për një peticion u anuluan.
Por një kandidat jo shumë probabël po shfaqet: Svetlana Tikhanovskaya, 37 vjeç, e regjistruar pasi burri i saj Sergei Tikhanovsky, një bloger i shquar, u arrestua përsëri në maj.
Kjo nënë shtëpiake premton të lirojë të burgosurit politikë dhe të mbajë zgjedhje të reja, të ndershme në gjashtë muaj nëse zgjidhet. (EN)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.