Dubai dhe mbingarkesa në punë – Qyteti renditet si i pari në botë, por pavarësisht kësaj njerëzit thonë se ia vlen

Dubai, është cilësuar si qyteti më i mbingarkuar në botë për sa i përket punës në një studim të kryer nga kompania e kontrollit të aksesit, Kisi.

Për studimin, i cili u publikua më 25 maj, Kisi vlerësoi një sërë faktorësh, duke përfshirë pushimin me pagesë, koston e jetesës, aksesin në kujdesin shëndetësor mendor dhe përfshirjen. Kisi futi në listën e ngushtë 51 zona metropolitane të SHBA dhe 49 qendra ekonomike globale, duke përfshirë Nju Jorkun, Singaporin, Hong Kongun dhe Parisin, dhe analizoi të dhënat e nxjerra nga organizatat ndërkombëtare, raportet e OJQ-ve, grupet e të dhënave me akses të hapur, sondazhet publike dhe platformat e burimeve të njerëzore.

Business Insider bisedoi me disa njerëz që jetojnë në Dubai për të kuptuar se si është të punosh në qytetin më të mbingarkuar në botë. Pavarësisht orëve të gjata, të gjitha burimet thanë se kanë një ekuilibër të mirë punë-jetë.

Sipas ligjit të punës në Emiratet e Bashkuara Arabe, punëtorët e sektorit privat mund të punojnë maksimumi 48 orë në javë, të shpërndara në gjashtë ditë. Punëtorët marrin gjithashtu 30 ditë pushim vjetor me pagesë dhe 45 ditë pushim prindëror me pagesë të plotë.

Punëtorët me kohë të plotë në Dubai marrin pagesa të mira për punën jashtë orarit. Punonjësit që punojnë përtej orarit të tyre të rregullt të punës kanë të drejtë të paguhen me një shumë të barabartë me pagën e tyre bazë, plus një shtesë prej 25% të kësaj page. Shuma e shtuar rritet në 50% nëse punonjësi punon jashtë orarit midis orës 22:00 dhe 04:00 sipas Ligjit të Punës të Emirateve të Bashkuara Arabe.

Për më tepër, Emiratet nuk vendosin asnjë taksë mbi të ardhurat personale ose kapitale për qytetarët ose emigrantët në vend.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.