Dy ndërtesa të reja në Tiranë – Propozim për Teatrin Kombëtar dhe Qendër Shqiptaro-Hebraike

Pranë Bashkisë së Tiranës kanë ardhur dy propozime për ngritjen e ndërtesave të reja në kryeqytet. Këtë e zbuloi vetë kryetari i Bashkisë, Erion Veliaj, gjatë raportimit të punës përpara Këshillit Bashkiak.

Propozimi i parë, ka të bëjë më ngritjen e një qendre kulturore shqiptaro-hebraike, të cilën Veliaj e konsideroi si një projekt shumë të rëndësishëm për shkak të historisë që ndajnë së bashku dy popujt, veçanërisht gjatë Luftës së Dytë Botërore.

Ndërkohë, projekti i dytë prek Teatrin Kombëtar. Veliaj zbuloi se arkitekti i njohur danez Bjarke Ingels, ka dërguar një propozim për godinën e teatrit kryesor në vend.

“Do të zëvendësohet nga një ndërtesë ekskluzive vetëm për teatrin, për të cilin do të ketë një prezantim për këshillin. Tirana do të ketë një stoli me Teatrin Kombëtar. Të parët që do ta shijojnë janë artistët, që do të kenë një teatër mjaft modern, por natyrisht edhe qytetarët, pasi nuk do të ketë vetëm një skenë”, tha Veliaj.

Arkitekti Bjarke Ingels është përgjegjës për dizajnimin e një sërë projektesh si stadiumi i ri “Campo Nou” i Barcelonës, ndërtesa e Google në Charleston, një prej kullave që zëvendësojnë Kullat Binjake, muzeun e Londrës dhe HyperLoop One në Dubai.

Më poshtë janë edhe disa prej punimeve të tij, të cilat karakterizohen nga format gjeometrike dhe materialet e përzgjedhura.

Christo meets Nouvel

A post shared by Bjarke ingels (@bjarkeingels) on Sep 19, 2017 at 6:44am PDT

Ceci n'est pas une maquette

A post shared by Bjarke ingels (@bjarkeingels) on Sep 7, 2017 at 5:11am PDT

Want #BIGLEGO and its 25m @LEGO bricks for your exclusive, unlimited play? Our recently completed museum & experience center is hosting the ultimate sleepover competition via @Airbnb, details on BIG’s fb – apply by Nov 16th! Photo by @IwanBaan LEG on big.dk

A post shared by Bjarke Ingels Group (@big_builds) on Nov 14, 2017 at 4:21am PST

Ndërtimi i godinës së re të Teatrit Kombëtar do t’i jepte një shtysë të mëtejshme turizmit në kryeqytetet dhe do të ndiqte linjës e projektit të sheshit “Skënderbej” dhe të Pazarit të Ri. Sipas Veliajt, këtë vit Tirana u vizituar nga mbi 1 milion turistë, falë edhe dyfishimit të vizitave njëditore.

Diskutimi në Këshillin Bashkiak për këto dy projekte do të bëhet në një periudhë të mëvonshme, ndërsa në rast miratimi, fondi për financimin e tyre mund të merret drejtpërdrejt nga buxheti i Bashkisë, i cili do të jetë më i madh se ai aktual, për shkak se ka një mbirealizim të ardhurash, deri në 125% në disa sektorë.

Angelo Haruni/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.