Dyfishimi i prodhimit të energjisë elektrike në 2018- Sa ndikuan hidrocentralet private dhe koncesionare në totalin e energjisë së prodhuar?
Statistikat finale konfirmuan se prodhimi i energjisë elektrike pothuajse u dyfishua gjatë vitit të kaluar. Sipas Institutit të Statistikave, ky prodhim arriti në afro 8600 GËh (gigavat orë). Krahasuar me vitin 2017, prodhimi i energjisë elektrike u rrit me 89%, sidomos falë prurjeve të mëdha të lumenjve në gjysmën e parë të vitit. Prodhimi më i lartë ndikoi edhe në rritjen e eksportit të energjisë.
Për më shumë lexo edhe:
Por cili është pesha që kanë luajtur hidrocentralet publike dhe hidrocentralet private e ato koncesionare?
Referuar të dhënave të INSTAT, në totalin e energjisë elektrike të prodhuar, hidrocentralet publike kontribuan në masën 68,4 %, ndërsa hidrocentralet private dhe koncensionare realizuan 31,6 % të prodhimit neto vendas të energjisë elektrike.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.