Dyfishohen infeksionet me Omicron në Britani – Mbi 3 milionë raste në Afrikën e Jugut!
Rastet e variantit Omicron të koronavirusit u dyfishuan në 150 në Mbretërinë e Bashkuar pas zbulimit dje të 75 infeksioneve të tjera në Angli, 16 në Skoci dhe të parat në Uells: ka njoftuar qeveria.
Deri më tani, asnjë rast nuk është regjistruar në Irlandën e Veriut. Sa i përket vetëm Anglisë, 75 rastet e reja u shtohen 29 të mëparshmeve, për një total prej 104. Drejtoresha e Agjencisë Kombëtare të Sigurisë së Shëndetit (UKHSA), Jenny Harries, saktësoi se janë identifikuar disa infeksione të reja te personat që nuk kanë udhëtuar jashtë vendit dhe kjo tregon – komentoi ai – se në vend tashmë ka “një pjesë të vogël të transmetimit (të virusit) në komunitet”.
Infeksionet nga Covid-19 në Afrikën e Jugut kanë tejkaluar rekordin prej 3 milionë ndërsa një valë e re e drejtuar nga varianti Omicron po përhapet në zona të ndryshme të vendit. Qeveria raportoi sot 16,055 raste të reja në 24 orë, duke e çuar totalin e infeksioneve të zbuluara në laborator në 3,004,203.
“Kjo rritje përfaqëson një normë pozitiviteti prej 24.3 %,” tha Instituti Kombëtar për Sëmundjet Transmetuese (NICD) i drejtuar nga qeveria në përditësimin ditor. Shumica e rasteve të reja të raportuara sot, 72%, u zbuluan në provincën e Gauteng, më e populluara nga provincat e vendit. Gauteng, i cili është shtëpia e kryeqytetit Pretoria dhe qendra ekonomike dhe financiare e vendit, Johannesburg, është konfirmuar si epiqendra e variantit të ri që kur Omicron u zbulua për herë të parë atje javën e kaluar.
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.