Dyndje turistësh në gusht – Rriten me 26.8 % hyrjet e shtetasve të huaj
Numri i turistëve në vendin tonë ashtu sikurse pritej ka arritur shifra pozitive ku vetëm për muajin gusht të huajt që kanë zgjedhur Shqipërinë për të pushuar arritën në 26.8% më shumë se një e njëjta periudhë e një viti më parë, çka ka ndikuar edhe në rritje e të ardhurave për ekonominë. Shifrat e hyrje daljeve për gushtin e 2018-ës ende nuk janë bërë publike megjithatë sipas ministrit të Turizmit dhe Mjedisit ka pasur më shumë hyrje të shtetasve të huaj gjatë kësaj periudhe.
Por jo vetëm muaji që sapo lamë pas shënoi një trend pozitiv sa i takon numrit të turistëve që zgjodhën Shqipërinë për të pushuar, me shifra në rritje rezultuan sipas institutit të statistikave zyrtare edhe dy muajt e tjerë qershori dhe korriku, ku numri i turistëve që hynë në vendin tonë, përgjatë kësaj periudhe dy mujore, ishte rreth 178 mijë më shumë sesa e njëjta periudhë e një vitit më parë.
Vetëm pak ditë më parë, kryeministri Edi Rama, gjatë turit të zhvilluar për bilancin e sezonit , deklaroi se të ardhurat gjatë këtij sezoni turistik kapin shifrën e afro gjysmë miliard euro më shumë se vitin e kaluar. Ndërkohë që objektiv i qeverisë mbetet që numri i turistëve deri në fund të sezonit të arrij deri në 6 milion ndërsa në vitin 2025 numri i turistëve të arrij në 10 milion.
Netila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.