E-Albania zgjeron gamën e shërbimeve – Aplikime online për dëshmi penaliteti dhe patentë për shqiptarët që jetojnë në këto 13 shtete
Pas aplikimit online për certifikatë lindje dhe familjare, qytetarët shqiptarë që jetojnë në Austri, Bullgari, Çeki, Hungari, Itali, Kosovë, Kroaci, Japoni, Mal i Zi, Rumani, Sllovaki, Zvicër dhe Turqi do të përfitojnë edhe dy shërbime të reja online.
E-Albania ka zgjeruar gamën e shërbimeve, pasi ata tashmë mund të aplikojnë nga çdo shtet i botës për vërtetim dëshmie penaliteti dhe verifikim të patentës, për denoncim ose konvertim të saj. Pas aplikimit në portal, dokumenti mbërrin me postë në shtëpitë e tyre.
Referuar statistikave të e-Albania, çdo muaj në portal kryhen rreth 5 mijë aplikime online për shërbimet konsullore.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.