E ardhmja e mishit të kultivuar: Bima e duhanit?!
Kompania bioteknologjike Izraelite është duke rinovuar qëllimin e plantacioneve të duhanit, për të prodhuar përbërës që promovojnë rritjen e qelizave, çka çon në heqjen e një prej pengesave më të mëdha të një laboratori për prodhimin e mishit.
Mishi i kultivuar, i rritur nga qelizat e muskujve të kafshëve në një laborator, ka marrë shumë vëmendje si një mënyrë për të adresuar ndryshimet klimatike duke reduktuar përdorimin e energjisë, tokës dhe ujit në industrinë e mishit.
Ndryshe nga zëvendësuesit bimor , të popullarizuar nga Beyond Meat dhe Impossible Foods, teknologjia e mishit të kultivuar mbetet e rëndësishme, për shkak të disponueshmërisë së faktorëve të rritjes së qelizave të mishit, të vështirë për t’u prodhuar.
Në mënyrë alternative, për të zgjidhur këtë problem, BioBetter po përdor sekuencat përkatëse të gjeneve në qelizat e duhanit për t’i “mësuar” të prodhojnë faktorët e rritjes së qelizave, nëpërmjet teknologjisë ADN rekombinante që përdoret edhe për prodhimin e insulinës mjekësore.
BioBetter zgjodhi duhanin pasi arrin deri në katër cikle rritjeje, mund të korret gjatë gjithë vitit dhe nuk mund të përdoret si ushqim për shkak të shijes së tij të hidhur.
Shefi ekzekutiv i kompanisë Bioteknologjike, Amit Yaari shprehet se tendencat botërore për reduktimin e pirjes së duhanit, kanë ngritur shqetësime midis kultivuesve, se kultura mund të vjetrohet por shton se, megjithatë, bima e duhanit ka potencial të madh për t’u bërë një komponent kyç në të ardhmen e ushqimit.
Ndërkohë faktorët e rritjes insulina dhe transferina (një lloj proteine), sigurohen nga bagëtitë, duke e bërë të vështirë marrjen në sasi të mëdha.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.