E dhëna që tregon se një vend e ka kaluar COVID-19! Çfarë është indeksi i infektimit dhe kur ndodh këputja e zinxhirit? Flet epidemiologu

Një vend mund të konsiderohet i sigurtë nga COVID-19, dhe nga  viruset e tjera, kur indeksi i infektimit, i ashtuquajturi R me zero, do të jetë më pak se 1. Domethënë, kur një person pozitiv do të ketë forcën që të infektojë më pak se 1 person.

Por sipas epidemiologëve italianë, është e vështirë të thuhet se kur mund të ndodhë kjo. “ Ka akoma shumë të panjohura dhe do të duhen edhe disa javë për të mbikëqyrur rreptësisht rastet” shprehet për ANSA epidemiologu Pierluigi Lopalco.

Këputja e zinxhirit të epidemisë, shpjegon eksperti, “ ndodh kur indeksi i transmetimit është nën zero. Kjo konstatohet nga disa parametra duke nisur që nga numri i rasteve dhe nga projeksionet e numrit të personave që mund të përballen me sëmundjen kundrejt atyre që kanë zhvilluar antikorpet”.

Kundrejt ecurisë së përgjithshme të kurbës së pandemisë Lopalco evidenton se “ ka një ngadalësim që na jep shpresë por duhet të tregojmë kujdes maksimal para se të themi që e kemi kaluar”.

Masat e marra kanë dhënë frytet e saj por për momentin nuk mund të thuhet se kur mund të ketë një rënie të rasteve ditore sepse mund të hapen vatra të reja, ashtu sikurse, shton ai, edhe i ashtuquajturi pik është një koncept abstrakt dhe mjaft relativ.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.