E humbur prej vitesh – Shitet në ankand për 24 milion euro piktura e Rilindjes Italiane
Një pikturë e humbur, e punuar nga mjeshtri italian Cimabue gjatë shekullit të 13-të është gjetur në dollapin e një gruaje të moshuar në Francë.
Piktura “Christ Mocked”, zbuluar në fillim të këtij viti, ishte vlerësuar në 4 milion deri në 6 milion euro por është shitur për 24 milion euro, katër herë më shumë se vlerësimi para ankandit.
“Kur një vepër unike e një piktori aq të rrallë sa Cimabue vjen në treg, duhet të jesh gati për surpriza. Kjo është e vetmja Cimabue që ka dalë në treg”, tha Dominique Le Coent, kreu i shtëpisë së ankandeve Acteon në Senlis, në veri të Parisit.
Piktura e vogël, me përmasa vetëm 20 me 26 cm, besohet të jetë pjesë e një zhytjeje të përbërë nga tetë panele të vogla. Identiteti i ofertuesit nuk është zbuluar, por edhe një muze i huaj kishte qenë midis ofertuesve.
Lindur në Firence, Cimabue, i njohur gjithashtu si Cenni di Pepo, ishte një piktor primitiv italian, nga të cilat vetëm rreth 10 vepra të njohura kanë mbijetuar. Ai ishte një nga të parët që përdori perspektivën dhe pikturoi në një stil më të natyrshëm por që u ndryshua me traditat mesjetare dhe bizantine. (Euronews)
Nebi Xhomaqi / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.