E lënë prej vitesh në dollap – Videoloja Super Mario shitet në ankand për 660 mijë dollarë

Një videolojë e pahapur Nintendo – Super Mario Bros e prodhuar në vitin 1986, është shitur në një ankand në SHBA për 660 mijë dollarë.

Videoloja ishte blerë në vitin 1986 si dhuratë për Krishtlindje, por ajo u vendosë në një dollap dhe u harrua për vite – duke mos u hapur fare derisa këtë vit kur e gjetën.

Shtëpia e ankandeve Heritage nga Dallasi, ka njoftuar se është kopja më e mirë e video-lojës, për të cilën dihet se në mënyrë profesionale është vlerësuar për ankand.

Çmimi i shitjes ka tejkaluar pritshmëritë, pasi fillimisht ishte vënë shuma prej 114 mijë dollarë gjatë verës së kaluar për këtë lojë të prodhuar më 1987. (Burimi: Business Insider)

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.