‘E mërkura e paqëndrueshme’ – SHMU informon mbi situatën e motit në të gjithë vendin

Shërbimi Meteorologjik Ushtarak njofton se dita e mërkurë pritet të jetë nën ndikimin  e masave ajrore relativisht të paqëndrueshme dhe se moti parashikohet me vranësira mesatare deri të dendura.

Sipas informacionit do të bien reshje shiu me intensitet të ulët në jug dhe lindje të vendit kryesisht në orët e mesditës, lokalisht në juglindje ato do të marrin karakter shtrëngatash por në intervale të shkurtra kohore.

SHMU informon se era do të fryjë nga kuadrati i veriut me shpejtësi mesatare deri 8m/sek, e hera-herës përgjatë vijës bregdetare veriperëndimor dhe zonave luginore në veri të vendit era fiton shpejtësi deri në 15m/sek ndërsa valëzimi në dete i forcës 2-3 ballë.

Temperaturat parashikohen:

• zonat malore 4°C deri në 16°C
• zonat e ulëta 10°C deri në 20°C
• zonat bregdetare 12°C deri në 20°C.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.