E pazakontë/ Bariu sëmuret nga COVID, Kryetari i Bashkisë shkon t’i ruajë delet

Ndodh edhe kështu! Kryetari i Bashkisë së Petrosino-s, në provincën e Trapanit, ka shkuar të kujdeset për delet e një bariu, i cili u sëmur me COVID – 19.

Bëhet fjalë për Gaspare Giacalone, i cili mori një telefonatë për kërkesë për ndihmë, detyrë të cilën vendosi ta kryejë vetë. Giacalone shkoi për të parë kopenë e 250 deleve të bariut të sëmurë.

Ky është postimi që Kryetari i Bashkisë shkroi në profilin e vet në Facebook:

“Këtë mëngjes më gjeni mes deleve, qengjave dhe dhive, sepse Antonio, bariu, më thirri i dëshpëruar për ta. Ai sapo ka mësuar se është infektuar me të gjithë familjen e tij dhe nuk gjen askënd që të kujdeset për kopenë e tij. Unë menjëherë vrapoi në kopenë e tij.

Ai qëndroi në shtëpi ndërsa unë përpiqem t’i jap një farë ngushëllimi me telefon dhe ta ndihmoj për të gjetur një zgjidhje. Antonio e do punën e tij, është gjithë jetën e tij dhe me një lëmsh në fyt Antonio më përsërit se këto krijesa nuk mund të braktisen.

Covid është gjithashtu ky, prek direkt dhe indirekt ata që nuk kanë asnjë lidhje me të. Ndërsa unë kurrë nuk kam menduar se të jesh kryetar bashkie ishte e gjitha nder dhe lavdi. Po i vë këmbët në tokë të lagura nga djersa, ku ka punë dhe sakrifica. Aty ku ka vuajtje dhe nevojë. Sot ndjehem pak më shumë kryetar bashkie “

Bariu doli pozitiv me Covid – 19 dhe nuk gjeti askënd që të mund të kujdesej për tufën e tij ndërsa ishte në izolim, kështu që foli drejtpërdrejt me kryetarin e bashkisë për të kërkuar ndihmë, sigurisht pa e imagjinuar që kërkesa do të ishte zbatuar saktësisht nga vetë Kryetari i Bashkisë.

Çdokush që ka ndonjë nevojë urgjente, siç është shkruar nga kryetari i bashkisë, mund ta gjejë atë në kope, mes deleve dhe qengjave, ndërsa kërkon dikë më me përvojë në zonë që mund të ndihmojë për t’u kujdesur për tufën.

Kryetari Giacalone, i cili u diplomua në Ekonomi në Palermo dhe me një master në administrim biznesi dhe ka qenë për shumë vite zyrtar në bankën europiane të investimeve në Londër, kurrë nuk do të kishte pritur që midis detyrave të tij si Kryetar Bashkisë do të ishte gjithashtu një bari, por për të mirën e bashkëqytetarëve është bërë kjo dhe më shumë.

Burimi: positizie.it

Përshtati në shqip: SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.