E Premtja e Zezë në SHBA- Konsumatorët larg dyqaneve, blerjet në rrjet arrijnë 7.4 miliardë dollarë
Konsumatorët në Shtetet e Bashkuara kanë bërë më shumë blerje në rrjet gjatë të Premtes së Zezë, duke limituar shitjet në dyqanet fizik.
Megjithatë, për të parën herë në disa vite, trafiku në dyqane gjatë ditës së Falenderimeve u rrit. Rëndësia e të Premtes së Zezë, që vjen pas ditës së Falenderimeve në SHBA, është zbehur gjatë viteve të fundit. Kjo vjen për shkak të vendimit të shumë shitësve me pakicë për të hapur dyqanet të Enjten në mbrëmje si dhe prej zbritjeve për periudhat e pushimeve.
Megjithatë, kjo po kthehet në një ditë ku blerësit nuk dynden drejt dyqaneve, por porosisin në rrjet nëpërmjet kompjuterave apo celularëve.
Shitësit më të mëdhenj fizikë, si Walmart, Target dhe Best Buy, kanë shpenzuar miliarda dollarë në zgjerimin e operacioneve të tregtisë elektronike, për të zënë një pjesë të tregut online.
Shitjet në rrjet u rritën me mbi 19.6%, duke prekur 7.4 miliardë dollarë ditën e Premte, pak poshtë projeksioneve prej 7.6 miliardë dollarë. Për ditën e Falenderimeve, shitjet u rritën me 14.5% në 4.2 miliardë dollarë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.