Ecuria e procesit të vaksinimit – Rama: Vaksinë për 1000 të moshuar e staf azilesh. Manastirliu: Spitalet COVID kanë shtretër të lirë
Deri në fund të javës 700 të moshuar dhe 300 persona nga stafi i qendrave të përkujdesit shoqëror do të vaksinohet për COVID-19. Në një prononcim për media, kryeministri Edi Rama foli për ecurinë e procesit të vaksinimit, duke shtuar se pritet konfirmimi nga ana e një shteti që do të mbetet secret për 360 mijë doza të vaksinës AstraZeneca.
Gjithashtu, sipas Ramës vaksina do të ofrohet edhe për atë kategori të moshuarisht që i përkasin personaliteteve nga fusha të ndryshme në vend. Ndërkaq, ministrja e Shëndetësisë, Ogerta Manastirliu deklaroi se kapacitete e 4 spitaleve COVID në Tiranë nuk janë ezauruar, duke bërë me dije se janë shtuar edhe 50 shtretër të tjerë në këto spitale.
Aktualisht, janë spitalet rajonalë të Durrësit dhe Shkodrës që kanë hapur pavionet e tyre COVID, ndërkohë që kapaciteti i shtretërve është reskeptivisht 60 dhe 80.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.