Ecuria javore e kursit të këmbimit/ Forcohen Euro, Paundi dhe Dollari ndërsa Franga humbet pikë

Kjo ja ka shënuar kryesisht një rritje të përgjithshme të valutave kryesore kundrejt monedhës vendase. Euro ka regjistruar një rritje të lehtë përgjatë kësaj jave duke kapur kuotën e 123.63 lekë ditën e premte krahasuar me 123.57 lekë që u këmbye ditën e hënë.

Dollari amerikan gjithashtu ka shënuar një ngritje të vlerës gjatë periudhës së 15-19 shkurtit duke kapur nivelin e 101.95 lekë ditën e djeshme në raport me fillimin e javës kur u këmbye me 101.91 lekë, sipas të dhënave të publikuara nga Banka e Shqipërisë.

Paundi britanik është valuta që ka regjistruar rritjen më të fortë të vlerës me gati 1 pikë që nga fillimi i javës teksa ka kapur dje kuotën e 142.69 lekë krahasuar me 141.76 lekë të ditës së hënë.

Franga zvicerane është e vetmja që ka pësuar një rënie të vlerës këtë javë duke humbur rreth 0.5 pikë që nga data 15 shkurt teksa është këmbyer ditën e djeshme me 114.06 lekë.

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.